Menaxheri i Manchester Unitedit, Jose Mourinho, ka pranuar se fitorja kundër Manchester Cityt këtë fundjavë do të jetë e veçantë pasi dy ekipet po luftojnë për titullin e Premier Ligës.
“Djajtë e kuq” presin Cityn të dielën në Old Trafford me tetë pikë prapa fqinjëve, të cilët lëshuan pikë në një nga 15 ndeshje në Premier Ligë.
Mourinho e di se çfarë do të thotë derbi për tifozët e dy ekipeve, por shpreson që ndeshja të përfundojë pa incidente jashtë fushës.“Për mua, është një ndeshje e madhe kundër njërit prej ekipeve më të mira në vend. I pari kundër të dytit. Ndeshje e madhe”, ka thënë Mourinho.
“Jetoj i izoluar nga shoqëria, nuk e ndjej shumë. Shkoj në stërvitje dhe në hotel. Kisha një ditë pushim pas ndeshjes me CSKA Moskës dhe shkova në shtëpi, pra, nuk kam fort komunikim”.
“Por nuk kam nevojë ta mësoj se çfarë do të thotë një derbi për njerëzit. Për ne, janë vetëm tre pikë, por për njerëzit e lindur në këtë qytet dhe përkrahin ngjyrat e klubeve, është ndeshje e veçantë. Këto janë gjërat e bukura që mund t’i bëjë futbolli”, përgatiti Koha. (b.an)
