Pas humbjes nga Real Madridi në finalen e Superkupës së Evropës, Jose Mourinho medaljen e tij ia ka dorëzuar një fansit të Manchester Unitedit.The Telegraph shkruan se Mourinho tashmë ka histori në faljen e medaljeve pas finaleve, dhe e sonte e dha edhe pas humbjes, transmeton Koha.net.
Jose Mourinho ka thënë se ajo medalje për fëmijën ka një rëndësi shumë të madhe, derisa ai do ta vendoste në ndonjë kënd të shtëpisë.“Ndonjëherë nuk i mbaj medaljet kur fitoj, imagjinoni kur humb. Për atë fëmijë ajo medalje është shumë e rëndësishme”, ka thënë ai.
Golat nga Casemiro e Isco i dhanë fitoren Real Madridit ndaj Manchester Unitedit, golin e vetëm për të cilin e shënoi sulmuesi belg, Romelu Lukaku.
Mourinho pas takimit është shprehur i lumtur me shumë gjëra nga performanca e ekipit të tij, ndërsa ka thënë se në Premier Ligë s’ka Real Madrid, dhe nuk mund të bëhen replika të mesfushorëve të Realit.
“Jam i lumtur me shumë gjëra në performancën e sotme. Në Premier Ligë nuk e kemi Real Madridin. Edhe ne kemi top ekipe, aty ka ekipe të ndryshme me kualitete të ndryshme. Lojtarët e mesfushës së Realit, nuk ka replika për ta – Modriçin, Kroosin, Iscon e Casemiron. Në pjesën e dytë e gjetëm mënyrën për t’iu dhënë vështirësi atyre dhe një lloj futbolli që nuk iu pëlqen”, është shprehur Mourinho.
Ai më tutje ka thënë se, “jam i lumtur me reagimin tonë sepse kur ishim duke humbur 2-0 patëm një shans të madh, dhe në 2-1 Marcus Rashfordi doli përballë portierit dhe luftuam deri në sekondën e fundit dhe kjo ishte fantastike”. (b.an)
