Trajneri i Manchester Unitedit, Jose Mourinho, thotë se do të jetë shumë e vështirë për ekipin e tij që të fitojë titullin në Premier Ligë për shkak se lideri Chelsea luan shumë lojë defensive.
United është i gjashti në tabelë me 13 pikë prapa Chelseat, që ka fituar 11 ndeshjet e fundit rresht. Mourinho thotë se ish-klubi i tij është vështirë të kalohet për shkak të filozofisë që ka.
“Duhet të jemi të sinqertë dhe të themi se është e vështirë (të fitojmë titullin). Nuk është diferencë vetëm te pikët, por edhe filozofia e lojës së Chelseat. Ata shënojnë një gol dhe fitojnë. Ata mbrohen shumë.
Mbrohen mirë. Po fitojnë dhe në 20 minutat e fundit po sjellin mbrojtës. Nuk ju intereson çfarë thonë apo mendojnë të tjerët. Duan vetëm të fitojnë. Andaj nuk shoh se ata do të humbin pikë”, ka thënë Mourinho për “Sky Sports Neës”, transmeton koha.net. (b.an)
