Këngëtarja Solange Knoëles, motra e yllit të muzikës R&B, Beyonce, ka kryesuar të hënën për herë të parë top-listën amerikane prej 200 këngëve “Billboard”, me albumin e saj “A Seat at the Table”, duke mposhtur këngët e reja nga Bon Iver dhe Van Morrison, raporton Reuters.
Knoëles me “Seat at the Table” shiti 46,000 albume, 26,000 këngë dhe u dëgjua 35.7 milionë herë online në javën e fundit, ndërsa në total ka shitur 72,000 kopje të albumit, sipas shifrave të publikuara nga “Nielsen SoundScan”, transmeton Koha.net.
Albumi është vlerësuar me kritika të mira nga kritika, dhe përmban 21 këngë që flasin për feminizmin nën ritmet e muzikës R&B, soul dhe funk.
Albumi i fundit i fituesit të çmimit Grammy, Bon Iver, “22, A Million”, u rendit i dyti me 58,000 albume, 10,000 këngë të shitura 17.5 milion dëgjime online, ndërsa në total albumi është shitur në 71,000 njësi. (b.an)
