Pas publikimit të intervistës së Marjan Rrokut, ish-efektivit të SHISH që vrau në vitin 2001 16-vjeçaren Alda Canaj ka reaguar motra e saj. Ornela dha një interviste nga Shtetet e Bashkuara për gazetaren Rudina Xhunga në emisionin “Dritare”.
Ajo reagoi pasi ndoqi intervistën e Marjanit për Ardit Gjebrean, dhe tha se nuk beson në pendimin e atij që i vrau motrën dhë nënën e saj.
“Unë shkova në Amerikë sepse e dija që ai ishte atje. E dija që ai fshihej pas një kompanie amerikane më mund të ishte atje”, tha ajo në emisionin “Dritare” të Rudina Xhungës.
“Kur dëgjova intervistën, dëgjova për pendimin e Marjanit. Nuk e besoj se ai është penduar. Nëse pendohesh, atëherë pse nuk dërgove një letër, por dole në televizion.Pashë që shumë njerëz shkruanin që ai duhej të kërkonte falje”, tha Canaj për Marjan Rrokun.
