Operatori i Shpërndarjes së Energjisë Elektrike, OSHEE, po ndjek me vëmendje situatën e krijuar në rrjetin e shpërndarjes për shkak të motit të keq me reshje intensive të shiut që ka përfshirë mëngjesin e sotëm mbarë vendin.
Kompania OSHEE ka angazhuar në terren brigada avarie në të cilën bëjnë pjesë rreth 1500 punonjës nga 11 drejtori rajonale të OSHEE të cilët po punojnë intensivisht për riparimin e defekteve dhe rikthimin e energjisë elektrike tek të gjithë abonentët.
Nga informacioni i Shtabit Qendror të Divizionit të Shpërndarjes, deri në orën 16.00, është rikthyer energjia tek të gjitha nënstacionet 110/35/20/10/6kV dhe linjat TL 35kV të cilat janë aktualisht në eficencë pune.
OSHEE bën me dije se rreth 60 përqind e stakimeve është kryer në rrjetin shpërndarës ajror, për shkak të shpejtësisë së erës tej normave teknike, ndërkohë që në disa zona stakimi ka ardhur si pasojë e përmbytjes së kabinave 20 kv.
Theksojmë se në zonat Fier, Vlorë, Gjirokastër, Korcë dhe Berat ku shpejtesia e erës vazhdon me shpejtësi, OSHEE ka stakuar energjinë për efekt të sigurisë teknike në rreth 54 % të fiderave me linja ajrore. Afro 90 përqind e defekteve në fidera i përkasin zonave të thella rurale.
Me permiresimin e motit dhe uljen e shpejtesisë së erës do të rikthehet energjia në zonat që furnizohen nga fiderat e stakuar për masë sigurie. Fiderat 27 dhe 28 të Nst Kashar janë jashtë pune për shkak të dëmtimit të urës së Logut në zonën pranë Institutit Bujqësor Kamëz, me rritjen e nivelit të ujit të lumit.
Rajonet më të prekura nga difektet janë:
Rajoni Tiranë : Ibë, Zall-Bastar, Paskuqan, Rinas, Valias, Mullet, Gjokaj, Park Ndroq, Sauk, Mëzez
Rajoni Fier: Lagj Apollonia , Marinëz , Mbrostar , Cakran , Drizë, Kallm , Stacioni i Trenit/Ballsh, Adriatik, Dermenas ,
Rajoni Kukës: pjesërisht (Lekbibaj, Mamëz, Vranisht, Domaj , Shëngjergj, Golaj, Vicidol
Rajoni Shkodër: Bërdicë, Kelmen, Vain , Iballë
Rajoni Burrel: Suc, Klos, Kurdari, Thekna, Fushë Bulqizë , Bllicë, Fushë Gjorm, Gurrëz
Rajoni Vlorë: Fushë Brataj, Kallarat, Amonicë, Kocul, Gorisht, Lepenicë, Selenicë, Karbunarë , Radhim , Mifol , Orikum , Nartë , Zvërnec, Uji i Ftohtë, Lagjia Kushtrimi, Cobenjtë, 10 Korriku, Hajro Cakerre, 29 Nentori, Lirimi, 15 Tetori, Partizani, Pavarësia, Prefektura , Kinoteatri , Gjykata e Rrethit Vlorë, Qendra Studentore, Ambulanca Qendrore, Prokuroria, Spitali Rajonal, Policia e Shtetit
Rajoni Durrës: Halil, Fushë Krujë, Luz, Koxhas, Lisekaj, Katund Sukth
Rajoni Elbasan: Kodovjat, Tunjë, Strava, Tregan, Prenjas, Bradashesh, Funar, Godolesh
Rajoni Berat: Potom, Tomorricë, Kakrukë, Ura Vajgurore , Krorëz, Krutje, Otllak, Kozarë
Rajoni Korcë: Hocisht, Liqenas, qytet Ersekë pjesërisht , Pojan, Vlocisht, Voskopojë, Barmash, Bucimas.
Rajoni Gjirokastër: Piskovë, Kosinë, Lekël, Suka, Kosina, Sinanaj, Petran, Lazarat.
ma.me
