Një ngjarje tragjike ka ndodhur në Tropojë ku një elektriçist i OSHEE ka humbur jetën në krye të detyrës. Ngjarja e rëndë ka ndodhur në fshatin Rragan të Tropojës ku elektriçisti 32-vjeçar ndodhej për të riparuar një defekt të shkaktuar nga moti i keq.
Raportohet se shtetasi me inicialet F.H. ra në komtakt me energjinë elektrike duke humbur jetën. Ai u transportua në spital por mbërriti atje pa shenja jete. Elektriçisti ishte nga fshati Luzhe i Tropojës.
Policia ka nisur një hetim për zbardhjen e plotë të rrethanave të ngjarjes.
Situata nga moti i keq
Përgjatë orëve të fundit moti mbi vend është përkeqësuar së tepërmi me reshje intensive shiu dhe erëra të fuqishme. Reshjet e shiut në formë shtrëngatash kanë sjellë probleme me qarkullimin në shumë zona të vendit ku më problematike situata është në Gjirokastër. Uji i Viroit ka dalë mbi nivelin e urës duke bllokuar për pasojë rrugën për në Gjirokastër. Situata paraqitet probelamtike edhe në zonën e Beratit ku niveli i lumit Osum është rritur së tepërmi.
Ndërkohë, në këtë qytet, ka ndodhur edhe aksidenti i parë si pasojë e motit të keq. Një automjet ka rrëshqitur nga lagështira dhe ka përfunduar në ujrat e lumit Osum.
Fatmirësisht 24-vjeçari që udhëtonte me mjetin në fjalë ka mundur të dalë në kohë duke i shpëtuar vdekjes. Në zonat e veriore, në disa akse rurale janë krijuar probleme si paosjë e rrëshqitjes së dherave. Ndëkrohë, rrezik përbëjnë edhe shkëmbinjtë në këto zona që mund të shkjëputen nga majat e kodrave.
Moti i keq ka përfshirë edhe Tiranën ku reshjet e shiut janë shoqëruar me erëra të fuqishme. Disa pemë si dhe një shtyllë e tensionit të lartë janë rrëzuar. Fatmirësisht nuk ka pasur të lënduar në këto episode. Autoritet portuale ndërkohë kanë pezulluar qarkullimin detar për shkak të dallgëve të larta. Policia nga ana e saj ka rritur prezencën në akset rrugore në vend. Uniformat blu bëjnë apel për kujdes nga qytetarët në zonat problematike./a.m.
/a.m.
