Tokat e fshatrave Ana e Malit dhe Dajç në bashkinë e Shkodrës vijojnë të vuajnë përmbytjen e mijera hektarëve nga vërshimi i ujërave që sjellin lumenjtë Buna dhe Drin.
Nga të dhënat më të fundit rezulton se situata më përmbytjet në territor ka ardhur duke u përkeqësuar, ku nën ujë ndodhen mbi 2700 hektarë tokë si dhe 155 banesa të rrethuara nga uji.
Dëmet në bujqësi dhe blegtori janë të konsiderueshme. Pranë zonave të përmbytura janë vendosur mjete të kalimit të lartë të ushtrisë si dhe varka, që mundësojnë kalimin e njerëzve dhe ndërhyrjet në raste emergjencash.
Sakaq pushteti lokal në Shkodër kërkon vëmendje më të madhe nga institucionet qendrore ndaj situatës, duke kërkuar edhe shpalljen e gjendjes së fatkeqësisë natyrore nga ana e qeverisë.
/s.f
