Lulzim Basha po lëviz të gjitha gurët për të rimarrë kontrollin e Partisë Demokratike edhe de fakto. Terrenin për rikthimin po e shtrojnë një grusht anëtarësh të kryesisë të udhëhequr nga Enkelejd Alibeaj, të cilët miratuan të vetëm rregullat për zgjedhjet e kryetarit në 29 korrik pa marr mendimin e zërave kritik të cilët janë kundër skenarit të zgjedhjeve të menjëhershme për kryetar.
Mbledhja u bojkotua nga sekretari i përgjithshëm Gazment Bardhi, përgjegjësi kryesor për organizimin e proceseve zgjedhore në mungesë të kryetarit dhe 8 anëtarëve të kryesisë të cilët nuk janë dakord me rrugën që po ndjek grupi Basha. Arbitri i kësaj gare të re për kryetar që nuk ndryshon shumë nga ato të shkuarat ku Lulzim Basha ka korrur fitore plebeshitare, u caktua të jetë Jemin Gjana.
Pavarësisht bojkotit të mbledhjes të një dite më parë, Gazment Bardhi përshëndeti kthesën e kryesisë për të thirrur Këshillin Kombëtar, por mungesa e tij duket se nuk është pa rëndësi, pasi edhe sekretari i përgjithshëm po ruan një as nën mëngë, për tiu drejtuar gjykatës nëse një pjesë e kryesisë nuk i përmbahet kornizave të statutit.
/f.stafa
