Deklarata kontridiktore janë dhënë sot për luftime në Bakhmut. Moska njoftoi e para se falë grupimit ushtarak Wagner është realizuar pushtimi i qytetit. Por më pas, Ministria e Mbrojtjes së Ukrainës e mohoi një lajm të tillë.
Megjithatë, Presidenti ukrainas Volodymyr Zelenskyy tha sot se në vend ka ndodhur një “tragjedi” dhe se “nuk ka mbetur asgjë” nga Bahmuti.
Nga sot, Bahmuti është vetëm në zemrat tona, tha Zelenskyy përpara takimit me presidentin amerikan Joseph Biden në Japoni.
Yevgeny Prigozhin, kreu i grupit ushtarak privat rus “Wagner”, tha dje se trupat e tij i dëbuan ukrainasit nga bastioni i tyre i fundit në qytet, lajm të cilin Kievi më vonë e mohoi.
Ministria ruse e Mbrojtjes njoftoi më parë se kishte përfunduar “çlirimin” e Bakhmutit (emri tjetër i të cilit është Artyomovsk) dhe konfirmoi se operacioni u krye nga grupi privat paraushtarak “Wagner” me artileri dhe mbështetje ajrore nga ushtria ruse.
Bakhmut, një qytet me një popullsi prej 72,000 banorësh përpara konfliktit, ishte skena e një beteje të përgjakshme për muaj të tërë, gjatë së cilës forcat ruse pothuajse e rrethuan atë dhe e shtynë sistematikisht ushtrinë ukrainase nga periferitë e saj perëndimore.
/a.r
