Në njësinë nr. 10 në Tiranë votohet në mënyrë elektronike. Mosha e tretë ka hasur probleme me këtë mënyrë votimi, ku ky qytetar është rikthyer edhe njëherë për të përfunduar procesin.
Më andej gazetarja e Klan News, Erikleda Dorezi shprehet se zotëria është rikthyer edhe njëherë pasi e ka lënë përgjysëm procesin e votimit dhe në atë mënyrë vota e tij ishte e pavlefshme.
“Shumë e lehtë, por për moshën e tretë është shumë e vështirë, sepse dalin vetëm siglat e partive dhe nuk dalin emrat aty të kandidatëve. Duhet të shtypësh butonin siç na orientuan edhe çdo gjë është në rregull. Ju urojmë suksese!”, shprehet një qytetar i moshës së tretë në njësinë 10 ku votohet elektronikisht.
Informohuni në zgjedhje.tvklan.al për të dhënat rreth pjesëmarrjes së votimit çdo orë, dhe krahasimeve me zgjedhjet e mëparshme parlamentare.
