Duket se deklarata e një dite më parë nga Sali Berisha, që e cilësoi ish-ministrin e tij si mercenar, ka diktuar agjendën e PD në Komisionin e Ankimimeve dhe Sanksioneve.
Mbledhja e sotme e KAS raportohet se është shoqëruar me tensione dhe debate.
Anëtari i KAS, Ilir Rusmali debatoi me juristin e PD-së Marash Logu, që kërkoi pavlefshmërinë dhe përsëritjen e zgjedhjeve në Dibër. Ai iu drejtua Logut duke i kërkuar të mos sillet si fodull.
Por nga ana tjetër, Logu ka mbajtur qendrimin e ‘shefit’ të tij Sali Berisha.
“Keni konflikt interesi, do të kërkojme përjashtimin tuaj”, iu drejtua Logu Rusmalit.
Kujtojmë se në KAS, PD po kërkon rinumërimin e votave. Kërkesa kanë paraqitur edhe kandidatët si Ilir Alimehmeti, Mimoza Hajdarmataj, Lisandër Hoxha e Aulon Kalaja.
