Qytetarët e Korçës janë ngritur në protestë kundër pretencës së komisionit të UEFA-s për përjashtimin e Skënderbeut me 10 vite me akuzën se ka trukuar mbi 50 ndeshje në Shqipëri dhe në Europë.
Qytetarët kanë dalë me pankarta në duar kundër vendimit të UEFA-s
“Mos na vrisni ëndrrën” “Mos na dënoni Heroin Kombëtar”, shkruhet në disa prej pankartave.
Qytetarët kanë nisur firmosjen e një peticioni drejtuar UEFA-s ku i kërkojnë që të mos e dënojë ekipin e Skënderbeut për trukime. Ata shprehen se nuk mund të dënohet një qytet i tërë, pasi futbolli për Korçën është me shumë se një lojë, është besim.
Në peticion jepen disa argumente se përse nuk duhet që të dënohet Skënderbeu, mes tyre edhe faktin që ekipi mban emrin e heroit kombëtar Skënderbeu, ndërsa 2018 është edhe viti mbarëkombëtar i Heroit Kombëtar dhe një dënim nga UEFA, sipas tyre do të ishte një goditje e rëndë edhe për figurën e heroit.
a.ç
