Nga studio e ‘Të Paekspozuarit’ ku është i ftuar, kryeministri Rama teksa foli për fitoren e mandatit të tretë u shpreh se kur fliste për 74-78 mandate bazohej tek sondazhet.
Ai deklaroi se puna e patronazhistëve kjo ishte, pikërisht të qëmtonin në territor votuesit dhe të krijonin opinionin mbi votuesit për të kuptuar pluset dhe minuset.
Sipas Ramës kjo që ata kanë bërë me zgjedhjet është një shkencë dhe në bazë të saj ai shprehet se i mungojnë tre mandate si rezultat i votimit preferencial të votuar.
Ajo që kam thënë është se gjithçka mund të përdoret për spekulim vetëm sondazhet skapin këto muhabete. Sa lek për këtë dhe sa për atë. Janë kampione të popullsisë që matin elektoratin. Kam thënë mos më dëgjoni dhe besoni mua beni sondazhet dhe kur të më tregoni një të tillë që kanë nxjerr fitues PD, hajde ta flasim bashkë.
Nga 2007 bëjmë sondazhe dhe kur flas për 74-78 bazohem te sondazhet dhe puna, sepse puna që bëjnë patronazhistët është që qëmtojnë në territor votuesit dhe krijojnë opinion mbi ta dhe pastaj japin pluset dhe minuset. Dhe mbi atë bazë bëhet e gjitha, ju bëni hipoteza. Rezultati i kësaj shkence është se ne na mungojnë 3 mandate për shkak të votimit preferencial të krijuar, për shkak të votave të dala të pavlefshme që i kanë shkuar PS. Ne bëjmë shkencë me zgjedhjet. Ne në kuti na mungojnë tre mandate na mungojne sepse ne marim raport nga të gjithë komisionerët tanë , por pak rëndësi ka kjo, dhe 74 ishte minimumi që ne skishim asnjë shanc të binim. Nga ana tjetër shko shiko votat e pavlefshme në Berat dhe Durrës dhe atje kemi marë rezultatin fiks siç e mendonim.
Në Tiranë kemi humbur një mandate, në Dibër kemi humbur një tjetër mandat dhe Elbasani një tjetër mandat. Ne nuk ndamë opozitën thjesht hoqëm nga ligji një anomali unikale në planet. Asnjëherë askush nuk na kanë sjellë dot një vend të botës ku votohet që të ketë një formulë koalicioni si ajo që ishte. Ne nuk i hoqëm të drejtën opozitës të bëjë koalicion.
