Misri është një nga ushqimet më karakteristike të kësaj stine dhe konsumimi i tij është në masë.
Ai nuk mungon nëpër rrugët e qyteteve tona, në plazhe dhe në vende të tjera turistike ku ka shumë njerëz.
Zakonisht misri të shijon shumë i përgatitur me pjekje në prush por, a është mënyra e duhur për ta konsumuar?
E vërteta është se mënyra më e mirë për të konsumuar misrin është ajo e zierjes. Pjekja në prush e dëmton strukturën e lëkurës së misrit, e cila mund të shkaktojë probleme të stomakut.
Me zierjen ne përfitojmë gjithë të mirat që misri ka me bollëk si:
1.Vitamina C dhe të kompleksit B duke përbërë kështu një ushqim të shkëlqyer për zemrën
2.Antioksidantë si luteina dhe zeaksanthinë që forcojnë shikimin
3.Fibra që ushqejnë veçanërisht zorrën e trashë duke parandaluar situata si kapsllëku dhe hemorroidet
4.Proteina, të cilat së bashku me fibrat ndikojnë shumë mirë edhe në rregullimin e sheqerit në gjak/Panorama/
