Alvaro Morata është shprehur se do të donte ta kishte bashkëlojtar te Chelsea bashkëkombësin e tij, Isco.
Sulmuesi spanjoll është pyetur nga Cadena Ser se cilin prej bashkëkombësve të tij do të donte ta kishte në Stamford Bridge, ai zgjodhi yllin e Real Madridit, i cili është duke kaluar në një formë të shkëlqyer, transmeton Koha.net.
“Do ta merrja Iscon në Chelsea, kur të rikthehet (pas përfundimit të angazhimit me kombëtaren spanjolle).
Por, mendoj se tani ka një nga rolet më të rëndësishme në Madrid. Gjithashtu edhe në kombëtare është lojtar kyç. Mendoj se ai është i pandalshëm kur ndihet i rëndësishëm. E tërë bota e ka parë që kur i mori frenat te Madrid”, ka thënë Morata.
Morata më tutje ka shtuar se, “ai është lojtari më i rëndësishëm i Real Madridit dhe në kombëtare. Ai ndryshon lojën, e bën diferencën, ai vallëzon me topin, e për më tepër është shoku im”. (b.an)
