Nga selia e Lëvizjes Socialiste për Integrim, dolën ish-deputetët Petrit Vasili, Luan Rama, Floida Kërpaçi, Nora Malaj, Erisa Xhixho dhe Endrit Braimllari.
Pa lideren e tyre, kryetaren e LSI-së Monika Kryemadhi, ata morën marshimin së bashku me mbështetësit e LSI-së drejt kryeministrisë për bashkimin në protestë.
Burime nga LSI shprehen se Monika Kryemadhi ndodhet jashtë vendit për një vizitë zyrtare, por pa specifikuar se ku, apo arsyet e vizitës.
Kjo është hera e dytë, që Kryemadhi i mungon protestave. Edhe në një nga 7 protestat para kryeministrisë, ajo nuk ishte pasi zyra e shtypit njoftoi në moment të fundit ditën e protestës, se kryetarja e partisë ndodhej në një vizitë zyrtare në Shtetet e Bashkuara të Amerikës.
/a.r
