Deputetja e Partisë së Lirisë, Monika Kryemadhi, me plot gojë ka thënë se lideri i opozitës sot është ish-kryeministri Sali Berisha.
Kryemadhi tha se ka qenë Berisha ai i cili ka mbledhur të gjithë opozitën bashkë, duke shtuar se lideri i saj është Ilir Meta, i cili është ulur dhe ka bërë një marrëveshje me ish-kryeministrin.
Ajo theksoi se ky i fundit gëzon respektin e saj për faktin se nuk ra pre e shantazheve dhe e presioneve.
“Lideri i opozitës është Sali Berisha sot. E di për çfarë e respektoj unë Berishën? Që Berisha nuk e rruajti fare për asnjë shantazh e presion dhe për këtë e përshëndes. Ja ku ka Tik Tok-un e radhës. Opozita ka dashin e kopesë. Dashi pra, dashi me brirë.
Ai drejton tufën, dashi me brirë është Sali Berisha. A na ka mbledhur Sali Berisha të gjithëve bashkë. Unë liderin tim kam Ilir Metën, ai është ulur dhe ka bërë një marrëveshje me Berishën. Kështu ai është përfaqësuesi”, tha Kryemadhi.
/s.f
