Monaco ka arritur të marrë një pikë ndaj Paris Saint Germainit, duke shënuar golin e barazimit në fund të ndeshjes.
Paris Saint Germain dhe Monaco kanë ndarë pikët në javën e 22’të në Ligue 1, duke barazuar 1:1 në ndeshjen që u zhvillua në “Parc des Princes”, transmeton Gazeta Express.
Për PSG’në shënoi sulmuesi Edinson Cavani në minutën e 81’të nga pika e bardhë, derisa për Monacon shënoi Bernardo Silva në minutën e 93’të.
Pas këtij barazimi, Monaco mbetet lider me 49 pikë të grumbulluara, aq sa ka edhe Nice tani që mposhti 3:1 Guingampin, derisa PSG mbetet në pozitën e tretë me tre pikë më pak se pozita e dytë dhe parë, përgatiti “Express” (b.an)
