Burime nga Gjirokastra bëjnë me dije se kërkimet për Klement Balilin janë fokusuar pikërisht në këtë qytet.
Pas shoqërimit të disa prej familjarëve në ambientet e policisë pak ditë më parë dhe marrjen e tyre në pyetje, duket se blutë kanë krijuar një ide për vendodhjen e tij të mundshme.
Mësohet se një operacion i madh policor është zhvilluar orët e fundit në qytetin jugor ku janë kryer disa kontrolle.
Operacioni policor ka prekur kryesisht lagjet ish-SMT, Palorto dhe 18 Shtatori. Sipas informacioneve të para, policia nuk ka arritur ende të gjejë ndonjë gjurmë të “Eskobarit të Ballkanit”.
Kapja e Klement Balilit përbën një sfidë për autoritetet e shtetit shqiptar ndërsa arratisja e tij është shndërruar edhe në debat politik./b.d
