Bastisja nga policia e një shtëpie ku kultivohej kanabis në Oksford të Britanisë së Madhe, ka çuar pas hekurave një 21-vjeçar shqiptar.
Mediat në ishull raportojnë se Armond Lika ishte “fermeri” që u arrestua brenda fermës së kanabisit, e cila u zbulua në Blackbird Leys.
Policia mësyu në banesën ku ndodhej i riu shqiptar gjatë një operacioni mbarëkombëtar njëmujor ndaj bandave të organizuara që kultivojnë drogën e klasit B në Britani.
Në videon e postuar në llogarinë në X (ish-Twitter) të policisë së Luginës së Thames, tregon oficerët duke goditur derën kryesore të banesës me forcë, ndërsa Armond Lika shihet duke tentuar për t’u arratisur nga “shtëpia e barit”.
Të martën Gjykata e Kurorës në Oksford vendosi të dënoj Likën me 8 muaj burg, ndërsa prokurori bëri me dije se rreth 80 bimë u gjetën në shtëpinë e konvertuar në fermë kanabisi.
/a.r
