Studimi i mëtejshëm i medikamentit antiviral eksperimental është në proces. Nëse provohet se është i aftë të trajtojë njerëzit me Covid-19 të cilët shfaqin simptoma, ilaçi do të forconte një arsenal të kufizuar të trajtimeve dhe do të ishte medikamenti antivirali i parë oral funksional 100% kundër virusit.

Më shumë se një vit në pandemi, mjekët dhe pacientët me Covid-19 kanë parë pak mundësi për të trajtuar këtë virus. Deri më tani vetëm një antiviral është autorizuar për përdorim, Remdesivir nga Gilead Science Inc, por studime të ndryshme kanë treguar se nuk e trajton plotësisht gjendjen e pacientëve.

Sipas disa ekspertëve medikamenti eksperimental, i quajtur “molnupiravir”, mund të ketë një rol të rëndësishëm duke ndihmuar gjithashtu njerëzit që janë të sëmurë, duke shërbyer të njëjtin rol të kryer nga medikamenti i quajtur “Tamiflu” për gripin.

“Është entuziazmuese dhe interesante, por nuk është e saktë 100%”, tha Carl Dieffenbach, drejtor i Divizionit të AIDS-it në Institutin Kombëtar të Alergjisë dhe Sëmundjeve Infektive, në SHBA i cili nuk ishte i përfshirë në studim.
Studiuesit e medikamenteve po bëjnë një nxitje për të gjetur ilaçe të reja Covid-19, për të përmirësuar efektivitetin e disa terapive aktualisht në dispozicion.

Ata gjithashtu po kërkojnë terapi që janë efektive kundër varianteve të reja të koronavirusit që po përhapen me shpejtësi.

“Nevoja e qartë për këtë është zhvillimi i antiviralëve të fuqishëm që veprojnë drejtpërdrejt SARS-CoV-2”, tha Anthony Fauci, drejtor i NIAID dhe këshilltari kryesor mjekësor i Presidentit Biden, në një konferencë të fundit në Shtëpinë e Bardhë, duke iu referuar virusit që shkakton pandeminë.

Ndryshe nga ilaçet e tjera që synojnë proteinën spike të dalë nga sipërfaqja e virusit, molnupiravir sulmon një pjesë të virusit që e ndihmon atë të riprodhohet.

Studimi i fazës së dytë, vëzhgoi efektin e dozave të ndryshme të molnupiravir në njerëzit që kishin zhvilluar simptoma Covid-19 brenda javës që kishin rezultuar pozitiv me Covid-19.

Testet nuk zbuluan virusin infektiv në asnjë prej vullnetarëve të studimit që morën molnupiravir dy herë në ditë pas pesë ditësh trajtimi, ndërsa 24% e personave që morën një placebo(medikament i improvizuar si antivirali) i zhvilluan simptomat.

Bashkëthemeluesi i kompanisë farmaceurike “Ridgeback Biotherapeutiks Wayne Holman” tha se rezultatet tregojnë se ilaçi parandalon koronavirusin e ri nga kopjimi në trup dhe ofron provën e parë që një ilaç oral antiviral mund të jetë i efektshëm kundër virusit.

“Gjetjet gjithashtu sugjerojnë, por nuk provojnë, se ilaçi mund të zvogëlojë sëmundjen,” tha Holman.

The Wall Street Journal-“Si”