Regjimi i Bachar al-Assad mban përgjegjësinë kryesore për sulmin kimik në një bastion rebel dhe xhihadist në veriperëndim të Sirisë, që shkaktoi të paktn 58 të vdekur, konfirmoi sot shefja e diplomacisë evropiane, Federica Mogherini.
“Sot, lajmet janë të tmerrshme. Natyrisht përgjegjësia kryesore bie mbi regjimin sirian”, deklaroi Mogherini për median ndërkombëtare në kuadër të një konference ndërkombëtare në Bruksel për rindërtimin e Sirisë.
“Por, ky është një paralajmërim tragjik që situata në terren vazhdon të jetë dramatike në shumë pjesë të Sirisë”, deklaroi ajo.
“Natyrisht përgjegjësia kryesore bie mbi regjimin sepse ai ka si detyrë të mbrojë popullin dhe jo për ta sulmuar”, nënvizoi Mogherini.
“Të paktën 11 fëmijë bëjnë pjesë mes personave të vrarë nga sulmi ajror që goditi sot Khan Cheikhoun, në provincën Idleb”, sipas Observatorit sirian për të Drejtat e Njeriut (OSDH), duke cituar burime mjekësore në qytet.
Koalicioni ndërkombëtar akuzoi regjimin për përdorimin e predhave që përmbanin gaz kimik./b.d
