Modelja me sindromën Down sfilon në javën e modës
Një modele australiane me sindromën Down ka sfiluar në javën e modës në Nju Jork. Ajo është Madeline Stuart, modelja e dytë me këtë sindromë që shkel pasarelat e modës.
Në muajin shkurt, u bë e njohur si modelja e parë me sindromën Down, Xhemi Bruer. Ajo është e njohur edhe për rolet e saj në “American Horror Story”.
Ndërkohë, Stuart sfiloi herën e parë e shoqëruar nga dy modelë, ku njëri prej tyre ishte me proteza në krah. Modeli Rebeka Marin, ka lindur pa njërin krah, gjë e cila e ka detyruar të vendosë krah bionik.
Në javën e modës në Nju Jork, janë prezantuar një gamë e gjerë stilistësh, të cilët kanë bashkëpunuar me disa organizata që mbrojnë të drejtat e personave me aftësi të kufizuara.
