Ministri i Jashtëm Ditmir Bushati ka fshikulluar ashpër opozitën lidhur me mocionin për statusin e Jeruzalemit. Absurdi i kësaj kërkese për mocion sipas Bushatit qëndron edhe në faktin se asnjë nga opozita nuk ka guxim të mbrojë pikat e mocionit lidhur me statusin e Jeruzalemit.
“Prisja që kryetari i PD të kërkonte falje për fjalorin fyes ndaj saj me fjalë të papërshtatshme, duke vlerësuar strategjinë e BE për integrimin e vendit në BE. Votimi në OKB nuk është aspak i veçantë është pjesë e votimeve rutinore që bëhen në OKB. Në nëntor të 2017 ishte e njëjta rezolutë. Ne votuam sërish njëlloj siç votuam edhe në dhjetor dhe opozita nuk u ndje. Sa i përket Organizatës së Bashkëpunimit Islamik unë isha në gjimnaz kur Berisha e antarësoi. Shteti shqiptar ka mbajtur historikisht të njëjtin qëndrim. Në konferencën islamike nuk bëhet për votim. Janë tre blloqe rezolutash në OKB. Që në 2007 na është bërë e qartë nga BE se qëndrimet në politikën e jashtme janë njësoj me ato të BE. Në 2007 vota e Shqipërisë pro, vota e SHBA kundër. Edhe në bashkëqeverisje PS- LSI i njëjti qëndrim votë pro nga ne votë kundër nga SHBA. Ne kemi mbajtur historikisht të njëjtin qëndrim. Duhet të kesh dije që të shpallësh qëndrime. Të gjitha vendet kandidate për në BE kanë mbajtur të njëjtin qëndrim me BE ashtu si edhe ne”, deklaroi Bushati.
“Me çfarë syzesh e shikoni Shqipërinë ju? Ne nuk ja lejojmë vetes të jemi diletantë. Ju thoni se ne po prishemi me SHBA, po Franca, Gjermani, Britani e një sërë shtetesh? Ju thoni se jemi ndikuar nga Turqia? Po i keni numëruar ndonjëherë rastet kur Shqipëria ka votuar pro Turqisë? Po si nuk thatë një fjalë kur ne shtojmë kontributet me SHBA?
Kur nuk i ka bërë koment Saliu asaj strategjie, që është i vetmi që ka kuptuar çfarë po ndodh me detin, dhe që leximi i Shekspirit po i ngjallet e ringjallet çdo ditë, asnjë tjetër s’e ka lexuar. Juve po ju vjen turp dhe nga qëndrimet që keni mbajtur në qeveri, ju doni të ndryshoni dhe qeverinë.
Jeni e para opozitë në botë, në rruzullin tokësorë, gënjeshtarë të pashembullt. Ju po i bëni një shërbim shumë të keq jo thjesht opozitës, por vendit, imazhit të vendit duke stisur tema debati që nuk janë të tilla. Në OKB përfaqësohet Shqipëria dhe shqiptarët, jo Edi Rama. Kur pashë firmat e ish-ministrave të Jashtëm thashë ‘ose këta njerëz nuk e dinë çfarë kanë firmosur, ose nuk e njohin turpin’, deklaroi Bushati.
ma.me/javanews.al
