Një shqiptar dhe dy italianë kanë shpëtuar mrekullisht nga një aksident i rëndë që ndodhi ditën e djeshme në Itali.
Teksa shqiptari dhe dy italianë po udhëtonin me makinën e tyre tip ‘Ford Fiesta” në Torino, ajo doli nga rruga duke përfunduar në një fushë, ku u ndal rreth 100 metra më tutje.
Siç bëjnë me dije mediat italiane, të cilët kanë publikuar edhe fotot e makinës, duket se të rinjtë të moshave 22, 24 dhe 25 vjeç kanë qenë me fat, pasi makina e tyre është shkatërruar plotësisht.
Në vendin e ngjarjes kanë shkuar forca të shumta policie, si dhe zjarrfikëset, ku kanë bërë të mundur nxjerrjen e të rinjve nga makina dhe dërgimin e tyre në spital.
Deri tani, raportohet se ata ndodhen në gjendje të mirë shëndetësore, ndërsa policia ka nisur punën për zbardhjen e shkaqeve të aksidentit./a.m.
