Tre persona do të procedohen në gjendje të lirë ndërsa pesë të tjerë janë shpallur në këkrim nga Policia e Tiranës pasi akuzohen për trafikimin e mjeteve motorike, makina luksoze dhe motorë.
Personat e ndaluar janë tre shqiptarë me banim në Durrës dhe Tiranë, ndërsa mes të kërkuarve që mendohet se janë edhe trafikantët e makinave të vjedhura, është një person me shtetësi malazeze dhe një 44-vjeçar italian. Tre të tjerët janë shqiptarë nga Shkodra, Laçi dhe Fieri. Automjetet e sekuestruar në kuadër të operacionit policor të koduar “Vin Number” rezultojnë të jetë të vjedhura jashtë Shqipërisë, në Itali, Suedi, Rumani dhe Greqi.
Këto automjete, të cilat janë të trafikuara nga vendet e BE-së, pasi mjete kanë hyrë në Republikën e Shqipërisë, u janë bërë ndryshimet në numrin e shasisë dhe dokumentacionin përkatës, e më pas regjistrimin në DRSHTRR Tiranë.
Procedohen në gjendje të lirë:
• B. D., 58 vjeç, banues në Durrës
• E. Ç., 29 vjeç, banues në Tiranë
• E. S., 27 vjeç, banues në Tiranë
Shpallen në kërkim
• E. P., 29 vjeç, banues në Shkodër
• I. P., 33 vjeç, me shtetësi Malazeze
• F. M., 33 vjeç, banues në Laç
• I. R., 49 vjeç, banues në Fier
• F. P., 44 vjeç, me shtetësi Itali
U sekuestruan
1- Mercedes Benz, C Class, i cili rezulton i vjedhur në Rumani.
2- Audi, A5, i cili rezulton i vjedhur në Suedi.
3- Audi, A4, i cili rezulton i vjedhur në Itali.
4- Audi, A5, i cili rezulton i vjedhur në Itali.
5- Volkswagen, Golf V, i cili rezulton i vjedhur në Itali.
6- BMË, X5, i cili rezulton i vjedhur në Itali.
7- Yamaha, T-Max, i cili rezulton i vjedhur në Itali.
8- Yamaha, T-Max, i cili rezulton i vjedhur në Greqi.
/Gazeta Express/
