Fatmir Kuçi, i akuzuar për vrasjen aksidentale të turistit rus në Himarë, nuk vuan nga zemra. Ai u shtrua në spital pas arrestimit, për shkak se nuk ndihej mirë, por mjekët kanë bërë të ditur se kjo gjendje mund të ketë qenë si pasojë e stresit që ka kaluar. Mjekët specialistë kanë kryer të gjitha analizat dhe ekzaminimet e duhura ndaj Fatmir Kuçit, me qëllim për të evidentuar nëse bëhej fjalë për patologji të mundshme.
Pas ekzaminimeve dhe konsultave të kryera, rezultoi se ai nuk vuan nga sëmundje të zemrës.
