Njihuni me anën tjetër të medaljes, nuk ka vetëm eksod të bluzave të bardha
Eksodi i mjekëve drejt tregut të vendeve më të zhvilluar europiane, vijon të jetë një fenom shqetësues në sistemin tonë shëndetësor për shkak të mungesave që kanë spitalet për mjekë specialistë. Pavarësisht se qeveria shqiptare ka ndërmarrë iniciativa motivuese siç është bonusi për bluzat e bardha, ikja e mjekëve vijon të jetë në shifra të larta. Urdhëri i mjekut raporton për 166 mjekë të larguar në 2019.
Por ky nuk është realiteti i vetëm i Shqipërisë. Kemi takuar dhe raste të tjera ku mjekët e huaj po vijnë në vendin tonë për të punuar dhe jetuar. Në Gremi Clinic aktualisht ushtrojnë profesionin e tyre mjekët italian Vittore Facchinetti dhe Giuseppe Magni, të cilët kanë një eksperiencë mbi 30-vjeçare në klinika mjekësore më të mira italiane si në Milano si dhe bashkëpunime të tjera në vende si Franca dhe Zvicra.
Kur pyetëm mjekët se si gjenden në Shqipëri ata shprehen optimist dhe vlerësojnë investimet e sipërmarrësit Dritan Gremi dhe në anën tjetër pëlqejnë miqësinë, si virtyt i shqiptarëve.
“Prita me kënaqësi ofertën që më bëri sipërmarrësi Dritan Gremi, pas kontakteve të vazhdueshme që pata me të në Milano. Erdha në Shqipëri dhe nisa konsultat e mia me pacientët këtu për të kuptuar më shumë mënyrën e të ushqyerit, të jetuarit. Erdha me kënaqësi këtu, është qytet shumë i bukur dhe mikëpritës. Konstatova kushte tejet optimale në këtë klinikë fantastike si dhe kuptova se shqiptarët nga mënyra e të ushqyerit i ngjajnë më shumë italisë së jugut”.
Ndërsa mjeku Giuseppe Magni shprehet:
“Kam patur mundësi të kemi mësuesit më të mirë të mjekësisë në vende të zhvilluara që në atë kohë ishin në jetë. Ndihem tërisht nëpërmjet terapive të mia fizike dhe neurologjike të jap kontributin tek pacientët e huaj që jetojnë këtu si dhe pacientët shqiptar”.
Mjekët kanë eksperiencë të gjatë në fushat e post-traumës si dhe në atë të dietologjisë. Ata tashmë jetën e tyre e kanë të ndarë mës Shqipërisë dhe Italisë.
