Kompania turke KURUM as nuk do t’ia dijë për shqiptarët dhe shkel sërish vendimin e Ministrisë së Mjedisit, pasi punon me kapacitet të plotë gjatë natës. Kompania turke e përpunimit të hekurit dhe çelikut KURUM ka shkelur vendimin e Ministrisë së Mjedisit, për pezullimin e aktivitetit.
Mësohet se kjo kompani ka ndezur me kapacitet të plotë të gjitha uzinat, duke nisur nga përpunimi i skrapit, shkrirja dhe fabrika e gëlqeres, gjatë natës dhe sidomos në fundjavë. Ndërkohë, veprimtaria e saj ishte pezulluar për shkak të dëmeve mjedisore, që i ka shkaktuar zonës.
Ministria e Mjedisit ka pezulluar aktivitetin e saj deri më 20 maj, duke i lënë kohë që KURUM të përmbushë kriteret për të zhvilluar punën pa u bërë shkak i ndotjes së qytetit.
