Analisti Mentor Nazarko, i ftuar në emisionin “Të Paekspozuarit” në MCN TV, e komentoi fjalimin e sotëm të Ramës përballë punonjësve të bashkisë së Tiranës, si një përpjekje për t’i motivuar pas arrestimit të Erion Veliajt.
“Në momentin kur statusi i Veliajt është i të dyshuarit, pra nuk ka zgjedhje, Tirana ka një problem të vijimësisë së punëve që janë nisur. Në Bashki punojnë rreth 9 mijë vetë. Rama i doli për zot këtij detashmenti, punëve dhe projekteve. Ka edhe një dimension ndërkombëtar. Rama tha se në 16 maj do të mblidhen 40 udhëheqësit më të rëndësishëm të Evropës dhe vendet e Evropës që nuk janë anëtare.
Rama bëri një lloj tërheqje në raport me protestën e organizuar në dyert e gjykatës, për të treguar që nuk isha i përfshirë në atë organizim. Rishikoi qëndrimin e vet ndaj SPAK dhe në njëfarë kuptimi mori në mbrojtje veprën politike dhe veprën e Veliajt si kryebashkiak, motivoi një ekip siç është ai i Bashkisë së Tiranës”- tha Nazarko.
