Krijuesi 22-vjeçar i përmbajtjeve për të rritur, Ricardo Staudt, i njohur në rrjetet sociale me emrin Noah Segsy, është gjetur i vdekur në një pishinë në Paralimni, Qipro.
Staudt, i cili kishte të paktën 300 000 ndjekës në rrjetet sociale dhe ishte i njohur për publikimin e përmbajtjeve në OnlyFans, u nxor pa ndjenja nga pishina e një kompleksi apartamentesh më 24 gusht, rreth orës 21:20.
Sipas raportimeve të mediave lokale, 22-vjeçari u dërgua në spital, ku u shpall i vdekur. Shkaku i vdekjes nuk bëhet i ditur në materialin e publikuar.
Pas vdekjes së Staudt, një mik i nënës së tij hapi një fushatë GoFundMe për të mbledhur fonde për shpenzimet e funeralit dhe varrimit.
“Me zemër të thyer po ju shkruaj, pasi shoqja ime ka pësuar një humbje të paimagjinueshme. Djali i saj i dashur është marrë shumë shpejt. Le të punojmë së bashku për të siguruar që djali i saj të mund të nisë udhëtimin e tij të fundit dhe t’i thotë lamtumirën e fundit me dinjitet”, thuhej në apel.
Sipas materialit të publikuar, deri më 15 shtator fushata kishte mbledhur më shumë se 20 000 euro.
