Vijon të mbetet mister vrasja e 41-vjeçares shqiptare e cila u gjet e mbytur në lumin Po në Itali.
Mediat italiane shkruajnë se sipas autopsisë Lavdije Kruja është hedhur në lumë e vdekur. Dikush ka shkaktuar vdekjen e saj duke e mbytur në fyt e më pas për të zhdukur trupin e ka hedhur në lumin Po. Shenjat në trup vërtetojnë se vdekja e Lavdije Krujës ka qenë e shumë e dhunshme.
Ndërsa në pyetje janë marrë familjarë dhe dy burra të konsideruar shumë të afërt me të. Lavdije Kruja nënë e dy fëmijëve 13 dhe 17-vjeç u gjet e vdekur në datën 7 qershor ndërsa trupi i saj u konfirmua nga e motra e cila kish bërë denoncimin në polici.
Mediat italiane shkruajnë se shqiptarja për herë të fundit është parë e gjallë në datën 30 maji kur kishte dhe një intervistë për punë. Trupi i pajetë i Lavdijes ose Deas siç njihej u gjet 8 ditë nga zhdukja e saj, nga makina që pastron shtratin e lumit Po nga trungjet e pemëve e mbeturinat. Sipas të përditshmeve ishin pikërisht fijet e flokut të gjetura në banjo të cilat vuan në konfirminin e ADN se trupi i dekompozuar i përkiste Krujës. Nëna e dy fëmijëve pasditen e 30 majit është takuar më vrasësin e saj citojnë mediat.
Dikush e ka mbytur dhe e ka hedhur në Lumin Po. Nëna nuk kish lënë asnjë shenjë lamtumire thjesht ishte larguar ndërsa në shtëpi e priste djali 13-vjeçar.
Ata jetonin në Miraldo Terme në Pavia. Ndërsa makina e saj Fiat 500 u gjet e parkuar jo shumë larg vendit ku u gjet trupi i saj i pajetë. Në makinën e gjetur u zbuluan shenja tërheqjeje çka forcoi idenë e autoriteteve se bëhet fjalë për një vrasje. Më tej mjekësia ligjore konfirmoi se vdekja e 41-vjeçares ishte e dhunshme duke e mbytur ne fyt . Më pas vrasësi i saj e ka hedhur në lum, trupi i të cilës u nxor 8 ditë më vonë e dekompozuar çka e vështirëson hetimin.
Tashmë hetimet kanë nisur të rishohin të kaluarën e saj dhe të rindërtojnë orët e fundit të shqiptares. Shumë persona janë shoqëruar në prokurori. Mes tyre motra, Xhulia, ish bashkëshorti, një nip etj. Por në veçanti dy burra të cilët konsiderohen shumë të afërt me viktimën, shkruan Shqiptarja.com Bëhet fjalë për një burrë me të cilin 41-vjeçarja kishte një marrëdhënie disa muaj më parë dhe për një mik.
Lavdije Kruja shkoi në Itali 10 vite më parë së bashku me burrin dhe 2 fëmijët. Më pas cifti u divorcua, ish bashkëshorti u transferua në Stradella së bashku me djalin e madh. Ndërsa më pas Lavdija së bashku me djalin e vogël kishin gjetur strehë në shtëpinë e një të moshuari në Miradolo ku shqiptarja e ndihmonte. Falë punës dhe ndihmës së të moshuarit Dea siç njihej Lavdija kish arritur të merret me qira një shtëpi të vogël. Këtë të enjte një qiri do të ndriçoi rrugën Miradolo Terme në kujtim të Lavdijes dhe të gjitha grave të dhunuara. Kisha e cila ka organizuar këtë manifestim i ka kërkuar qytetarëve që te vendosin në dritare një copë të kuqe, ndërsa kush do të hyjë në qytet është i ftuar./a.m.
