“The Daily Mirror” ka shkruar një artikull ku thotë se hashashi shqiptar po financon xhihadistët e Shtetit Islamik.
Sipas tabloidit britanik, hashashi i kultivuar në zonat malore të Shqipërisë me vlerë 4 miliardë dollarë transportohet drejt Britanisë së Madhe.
“Mirror” shkruan se hashashi transportohet nga Shqipëria drejt Italisë me avionë privatë dhe anije për t’u shpërndarë më pas në Europë.
“Pas shkatërrimit të fshatit Lazarat, i njohur për kultivimin e hashashit, IS ka marrë kontrollin e tregtimit të hashashit në Shqipëri. Është tashmë e ditur që shumë qytetarë shqiptarë punojnë për IS dhe financojnë atë”, shkruan Mirror.
Mirror shkruan më tej se “ISIS i hyri kësaj tregtie të leverdisshme pasi shërbimet e sigurisë, ndërhynë ushtarakisht në selinë e mafias shqiptare në fshatin kodrinor të Lazaratit. Por kjo ndërhyrje jo vetëm që nuk i dha fund kultivimit të kanabisit, por sulmi policor i 2014 hapi rrugën për ekstremistët që të merrnin kontrollin. Ata tashmë rekrutojnë në atë zonë, shpesh nga vetë radhët e mafias”.
TEMA
