Stadiumi i ri i Skënderbeut, ekipit korçar, mund të mbajë emrin pikërisht të kapitenit aktual, Bledi Skhëmbi.
Kjo bëhet e ditur nga gazeta “Panorama Sport” e cila ka pyetur vetë lojtarin, i cili nga ana e tij e ka mirëpritur një lajm të tillë. Sipas Shkëmbit, kjo do t’i pëlqente, por se nuk beson që diçka tillë të ndodhë.
Edhe kreu i bashkisë së Korçës Sotiraq Filo është i të njëjtit mendim, por shton se janë disa procedura që duhen ndjekur.
Gazeta shton se duhet pritur mendimi i këshilltarëve të Bashkisë, duke lënë të kuptohet se ideja që stadiumit t’i vihet emri i kapitenit 35 vjeçar, që luan akoma me Skënderbeun, ka marrë rrugë proceduriale.
