Gianni De Biasi ka bërë të ditur në një intervistë me Super Sport se miqësoret e nëntorit do t’i shërbejnë kombëtares për t’u përgatitur për finalet e Euro 2016, por edhe për të afruar të tjerë të rinj, të vlefshëm për të ardhmen e afërt apo të largët.
I pari prej të rinjve është sulmuesi i Interit, Rey Manaj, thirrja e të cilit është e sigurt.
Pas tij është Milot Rashica, 19-vjeçari nga Vushtrria, i cili luan me Vitesse në kampionatin holandez, ku ka qenë befasues.
I trei është sulmuesi Albian Ajeti, vëllai i mbrojtësit Arlind Ajeti, tashmë kuqezi. 18-vjeçari i Bazelit ka luajtur me U21 të Zvicrës, por dëshiron të luajë me kombëtaren shqiptare.
Nga Zvicra vjen edhe sulmuesi i Grasshoppers, Shani Tarashaj, 20 vjeç, nga Prizreni.
Për dy të fundit nevojitet leja nga FIFA dhe miratimi nga federata zvicerane, pasi kanë luajtur me kombëtaret e moshave të vendit ku jetojnë.
SUPERSPORT
