Miqësia e vajzës së lindur me një krah dhe qenushit të saj me tri këmbë
Ajo do të përballet me pamundësinë për të shkuar me biçikletë në shkollë apo për t’u kacavjerrë si bashkëmoshataret e saj gjatë lojërave në park, por vogëlushja Ella Peggie, e cila ka lindur pa njërin krah, ka tashmë mundësinë të ndajë një miqësi të jashtëzakonshme me qenushin e saj të ri me tri këmbë.
Kur nëna e vogëlushes 1-vjeçare pa për herë të parë qenushin e quajtur Snowy, e kuptoi menjëherë se do të ishte i duhuri për vajzën e saj.
Nëna 21-vjeçare dërgoi një e-mail në qendrën e qenve të braktisur ku kishte parë Snowy, që kishte nevojë për një familje.
“E dija se ajo do të ishte perfekte për Ella-n, ato kanë të njëjtën moshë. Do te jetë shumë më e thjeshtë për të kur të rritet dhe të kuptojë se është ndryshe nga të tjerët, do të ketë pranë Snowy për të ndjerë se nuk është vetëm”, tregon 21-vjeçarja.
