Ministrja gjermane thirrje qytetarëve: Strehoni në shtëpi emigrantët
Shteti gjerman po has në vështirësi të mëdha në gjetjen e hapësirave për strehimin e azilantëve pasi numri i tyre po rritet me ritme të shpejta. Autoritetet gjermane po përballen me masa emergjente në plotësimin e kushteve të azilkërkuesve teksa së fundmi po përdorin ambientet e ekspozitave apo manastireve.
Rreth 190 emigrantë të ardhur të shtunën në gjermani u strehuan në një ekspozitë në Karslruhe. Ambienti brenda ekspozitës në të cilin strehohen azilantët është 7500 m katrorë dhe pret rreth 500 azilantë në javë.
Në të janë vendosur tenda dhe dyshekë për pritjen e tyre. Qeveria për shakak të kushteve të emergjencës po negocion gjithashtu me drejtuesit lokalë në Herenberg për lirimin e disa ndërtesave që përdoren për trajnimin e specialistëve të informatikës, ndërsa po vëzhgon të gjitha ekspozitat në rajonin e baden-vurtenbergut, nëse mund të përdori ndonjërën prej tyre për strehimin e refugjatëve.
Ministrja gjermane e Integrimit, Bilkay Oney i bëri thirrje të gjithë qytetarëve gjermane brenda mundësive që të strehojnë emigrantët në shtëpitë e tyre. I të njëjtit mendim është edhe politikani i Partisë së Gjelbër, Dieter Janecek madje ai propozon bonus të veçantë nga qeveria për personat që do të akomodojnë refugjatët në shtëpitë e tyre.
Ndërsa Presidenti i Zyrës Federale për Emigracionin dhe Refugjatët, Manfred Schmidt, përveç shkurtimit të procedurave për azilantët ka pohuar se shteti gjerman nuk do të pranojë më kërkesa të reja për azil.
