Shtëpia e prindërve të ministrit të Brendshëm italian ka rënë pre e hajdutëve.
Prindërit e Mateo Salvinit ndodheshin me pushime në momentin që persona të panjohur kanë hyrë në apartamentin e tyre në Milano, nga ku kanë marrë një kasafortë dhe disa objekte prej agjendi.
Paraprakisht, policia mendon se shtëpia e prindërve të Salvinit ka qenë thjesht objektivi i radhës dhe vjedhja nuk ka lidhje me postin e tij politik.
Një vjedhje tjetër e kryer në të njëjtin pallat, por një kat më sipër, e ka bërë policinë të mendojë se zgjedhja e apartamentit të prindërve të Salvinit ka qenë rastësore.
Hajdutët duket se kanë pasur kohë për të vepruar, pasi kanë nxjerrë nga muri kasafortën e shtëpisë.
Nuk dihet vlera e sendeve të vjedhura.
/b.d
