Kina do të punojë me ShBA-në për të nxitur marrëdhënie ekonomiko – tregtare të qëndrueshme, të shëndetshme dhe të vazhdueshme, bazuar në parimet e respektit të ndërsjellë, bashkëjetesës paqësore dhe bashkëpunimit me përfitime të përbashkëta, deklaroi të enjten Ministria e Tregtisë.
“Masat tarifore nuk janë të favorshme as për interesat e Kinës, as për Shtetet e Bashkuara dhe as për pjesën tjetër të botës”, tha He Yadong, zëdhënës i ministrisë, gjatë një konference të rregullt shtypi.
Ai bëri deklaratat në përgjigje të një pyetje mbi rritjen e mundshme prej 10% të tarifave nga administrata Trump ndaj importeve kineze, duke filluar nga 1 shkurti.
Në përgjigje të një pyetje mbi TikTok-un, zëdhënësi tha se Kina ka respektuar dhe ka mbrojtur gjithmonë të drejtat dhe interesat ligjore të sipërmarrjeve. Ajo ka kundërshtuar veprimet që shkelin parimet bazë të ekonomisë së tregut apo dëmtojnë interesat ligjore të sipërmarrjeve.
