Ministria e Mbrojtjes dhe Forcat e Armatosura kanë ndërmarrë një nismë për mbjelljen e 1 mijë rrënjëve ullinj në zonën e Gërdecit. Kjo nismë vjen pas pastrimit të kësaj zone nga municionet dhe në kuadër të masave që qeveria shqiptare po ndërmerr krahas moratoriumit 10 – vjeçar për ndalimin e shfrytëzimit të pyjeve, për qëllime që shkojnë përtej nevojës jetike të banorëve të zonave të ndryshme për t’u ngrohur gjatë dimrit.
Në këtë aktivitet ishin të pranishëm ministrja e Mbrojtjes znj. Mimi Kodheli, shefi i Shtabit të Përgjithshëm gjeneralmajor Jeronim Bazo, stafi civil e ushtarak i Ministrisë së Mbrojtjes e Shtabit të Përgjithshëm, si dhe pjesëtarë nga të gjitha forcat, njësitë dhe repartet e Forcave të Armatosura.
Në fund ministrja e Mbrojtjes Kodheli dhe shefi i Shtabit gjeneralmajor Bazo inspektuan zonën ku ende vijon puna për pastrimin e saj, dhe që ende pas 8 vitesh gjenden djegore të pashpërthyera. 37 vetë, personel i grupit të operacionit të Forcave të Armatosura kanë nisur rikontrollin e zonës deri në 4-5 metër thellësi, me aparatura të posaçme.
BW
