Ministria e Bujqësisë Zhvillimit Rural dhe Administrimit të Ujrave, në bashkëpunim me projektin e Bankës Botërore, do të nisin për here të parë këtë vit mbështetjen e projekteve për ruajtjen dhe rivitalizimin e ekosisteve malore, përmes nxitjes se investimeve në pylltari.
Projekti ka për qëllim zhvillimin e qëndrueshëm të pyjeve dhe kullotave në zonat molore të vendit, me qëllim reduktimin e degradimit pyjor dhe rritjen e te ardhurave te komunitetit në zonat e synuara të projektit, të cilat janë pergjithësisht zona rurale të prekuar nga erozioni apo shfarosja e bimesisë.
Eksperte te bujqesise shprehen se, objektivi i projektit është për të rivendosur, ruajtur dhe për të përmirësuar ekosistemet malore duke përmirësuar bujqësinë dhe pylltarinë që varen nga to, si dhe duke adresuar ndryshimet klimaterike.
Kjo masë synon të kontribuojë në zgjerimin dhe përmirësimin e burimeve pyjore, si dhe mbrojtjen e pyjeve nga zjarri. Aktivitetet nën këtë masë hartohen sipas dispozitave të strategjive kombëtare pyjore, me synim përmirësim të konkurrueshmërisë së sektorit pyjor, menaxhimin e qëndrueshëm të burimeve natyrore dhe një zhvillim të balancuar territorial të zonave rurale./a.m.
