Beogradi Zyrtar ka pasur për aleat një ministër të Qeverisë së Kosovës, në përpjekjen për ta bindur UNHCR-në dhe OSBE-në që të dalin me deklaratë mbështetëse për projektin më të madh kolonizues të Serbisë në veri të vendit – ngritjen e lagjes “Lugina e Diellit”, shkruan Koha Ditore. Megjithëkëtë, nuk e kanë mbërritur synimin.
Në gjysmën e këtij muaji, të dyja organizatat ndërkombëtare kanë bashkorganizuar në Beograd një konferencë rajonale për zgjidhje të qëndrueshme të çështjes së personave të zhvendosur.
Aty ka marrë pjesë ministri për Komunitete dhe Kthim i Qeverisë së Kosovës, Dalibor Jevtiç. Pos tij, nga rajoni ka qenë edhe Marko Gjuriç, drejtor i Zyrës për Kosovë në Qeverinë e Serbisë, dhe zyrtarët Zhelko Shofranac nga Mali i Zi e Enver Husejin nga Maqedonia. (b.an)
