Ministri i Drejtësisë, Petrit Vasili, në datën 20 shkurt i ka dërguar një letër dy ambasadorëve, atij amerikan Donald Lu dhe asaj të BE-së, Romana Vlahutin, të cilët do të jenë edhe anëtarë në bordin e OMN-së për zbatimin e ligjit të vettingut.
Në letrën e tij, Vasili thekson se ngritja e Bordit të Monitorimit Ndërkombëtar është antikushtetues.
Sipas Vasilit, roli i deritanishëm i Sekretarit të Përgjithshëm të Kryeministrisë, Ëngjëll Agaçi është i paligjshëm. Ministri i LSI ngre disa pika që sipas tij përbëjnë ende shqetësim dhe krijojnë paqartësi, pavarësisht letrës së dërguar më 14 shkurt dhe përgjigjes së komisionerit Hahn.
