Ministri i Brendshëm i Italisë Marco Minniti, i shoqëruar nga një delegacion i nivelit të lartë, do të zhvillojë një vizitë zyrtare ditën e nesërme në vendin tonë.
Në kuadër të kësaj vizite, në Pallatin e Kongreseve do të zhvillohet ‘Konferenca e përbashkët mbi raportin përmbyllës së misionit të monitorimit ajror për vitin 2017, në luftën kundër kultivimit të bimëve narkotike’, ndërmjet Policisë së Shtetit, Policisë italiane dhe Misionit të BE-së.
Ndërsa, mësohet se më herët, do të ketë një takim Xhafaj-Minniti, në Ministrinë e Brendshme, si dhe në orën 11:00, ministri i Brendshëm italian do të takohet me Presidentin e Republikës, në Presidencë.
Ndërsa, në orën 11:30 do të nisë edhe konferenca përmbyllëse e “Misionit të monitorimit ajror 2017 në luftën anti-kanabis te Pallati i Kongreseve. /b.d
