Ministri i Turizmit, Kulturës dhe Sportit, Blendi Gonxhja, së bashku me Kryetaren e Bashkisë Vlorë, Bruna Mersini, zhvilluan një takim për të koordinuar veprimet për përmirësimin e infrastrukturës dhe shërbimeve turistike në qytet.
Gjatë takimit, u ngritën grupet e përbashkëta të punës për verifikimin e nevojave dhe mundësive për vende të ankorimit, koordinimin e prioriteteve, projektet në zhvillim dhe përgatitjet për sezonin turistik, i cili synohet të zgjerohet përtej verës.
Vëmendje e veçantë iu kushtua menaxhimit dhe pastrimit të plazheve, përgatitjes së vijës bregdetare dhe rritjes së standardeve për qytetarët dhe turistët. Diskutime u zhvilluan gjithashtu për muzeumet, investimet në proces, ndërhyrjet në Kalanë e Kaninës dhe bashkëmenaxhimin e aseteve kulturore, për të forcuar sinergjinë mes turizmit, kulturës dhe sportit.
