Ministri Gjerman i Shtetit për Evropën, Michael Roth në një interviste të dhënë për Spiegel teksa ka folur për situatën në Ballkan, ka komentuar edhe situatën politike në Shqipëri, si dhe protestat e opozitës.
Roth është shprehur se protestat janë një çështje e pranueshme sigurisht në një demokraci, por, dhuna dhe urrejtja, bojkotimi i zgjedhjeve dhe largimi i opozitës nga parlamenti janë absolutisht të papranueshme.
Me tej, ai thekson se Shqipëria ka bërë një rrugë të gjate për në BE. Opozita po rrezikon njohjen e këtyre arritjeve me politikën e saj penguese.
Pjese nga intervista:
Spiegel: Në Shqipëri, opozita po demonstron kundër korrupsionit në qeveri. A përbejnë këto rrezik për fillimin e negociatave të anëtarësimit?
Roth: Protestat janë një çështje e pranueshme sigurisht në një demokraci. Por, dhuna dhe urrejtja, bojkotimi i zgjedhjeve dhe largimi i opozitës nga parlamenti janë absolutisht të papranueshme. Shqipëria ka bere një rrugë të gjatë për në BE. Opozita po rrezikon njohjen e këtyre arritjeve me politikën e saj penguese.
g.kosovari
