Ministri për Evropën dhe Punët e Jashtme Ditmir Bushati ka zhvilluar një takim me ministrin e Gjermanisë për Çështjet Evropiane Michael Roth.
Pas takimit dy ministrat zhvilluan një konferencë të përbashkët për mediat.
Në fjalën e tij, ministri gjerman Roth deklaroi se argumentat për çeljen e negociatave nuk mungojnë.
“Argumentat për çeljen e negociatave nuk mungojnë, prespektiva për Ballkanin dhe Shqipërisn është jo vetëm në interesin e Shqipërisë por edhe në interesin tonë”, tha Roth.
Po ashtu, ai e cilësoi Vettingun një proces unik në Ballkan që ka nisur të japë rezultate, duke shprehur vlerësimet e Gjermanisë.
“Procesi i vettingut ka nisur dhe janë dhënë rezultatet e para. Kemi pritshmëri në luftën kundër krimit të organizuar dhe korrupsionit”, vijoi ministri gjerman.
Ai tha se opozita duhet të luajë rol konstruktiv për negociatat.
“Pres edhe nga opozita shqiptare të marrë përgjegjëistë e veta dhe të kontribuojë në proces”, tha ministri Roth.
Ndërkohë ministri Bushati tha se në fokus të bisedës ishin hapat që duhet të ndërmarrë Shqipëria në procesin e integrimit. Ai tha se Gjermania është kritike e rreptë, por edhe partnere sa i përket procesit të anëtarësimit.
“Siç mund ta merrni me mend fokusi i bisedës ishte për hapat që duhet të ndërmarrim për hapat në procesin e integrimit. Qoftë për rekomandimin pozitiv për anëtarësimin si dhe për reformat e ndërmarrim. jermania është kritike e rreptë, por edhe partnere sa i përket procesit të anëtarësimit. Besojmë në mbështetjen e Gjermanisë”, tha Bushati.
/a.m.
