Kryeministri britanik, David Cameron duhet të japë dorëheqjen nëse humbet referendumin mbi daljen e vendit nga Bashkimi Evropian, të cilin ka premtuar se do ta zhvillojë brenda fundit të vitit 2017, njoftoi sot “Sunday Times” që ka marrë opinionet e gjashtë ministrave të qeverisë së Cameron.
Gjashtë ministrat i kanë thënë gazetës se Cameron vë në lojë të gjithë kredibilitetin e tij politik në çështjen e qëndrimit të Britanisë së Madhe në Bashkimin Evropian. “Por, gjysma e qeverisë do të mbajë këtë qëndrim nëse Cameron refuzon që t’u japë anëtarëve të ekzekutivit lirinë e fushatës elektorale në favor të Brexitit, gjë të cilën deri tani nuk ka dashur ta bëjë”, paralajmërojnë ministrat.
“Nëse Cameron këmbëngul se ministrat duhet të jenë në të njëjtën linjë, kjo gjë e përçan partinë. Nëse humbet në këto rrethana, posti i tij do të ishte i pabesueshëm. Ky është qëndrimi i gjysmës së qeverisë”, tha një prej ministrave për “Sunday Times”.
