Mimoza Ahmeti po përballet me një humbje të madhe familjare. Shkrimtarja dhe fituesja e “Ferma VIP” ka njoftuar përmes rrjeteve sociale ndarjen nga jeta të babait të saj.
Në një postim të ndjerë në Facebook, Ahmeti ka ndarë me ndjekësit dhimbjen për humbjen e të atit, të cilin e përshkruan si një nga njerëzit më të rëndësishëm të jetës së saj.
Ajo tregon se në çdo arritje dhe hap të saj ka gjurmë të dashurisë, sakrificave dhe mësimeve të babait.
“Sot u shua një pjesë e zemrës sime… Sot humba babanë tim të shtrenjtë. Ka dhimbje që nuk mund t’i mbajë asnjë fjalë. Sot, përballë ikjes tënde, babi, edhe fjalët e mia heshtin.
Ti ishe një nga shtyllat më të forta të jetës sime, një pjesë e pandarë e asaj që jam. Në çdo hap që kam hedhur, në çdo arritje dhe në çdo gjë të mirë që kam ndërtuar, ka diçka nga ti, nga mësimet e tua, nga dashuria, mundi dhe sakrificat e tua”, shkruan ajo.
Më tej, Mimoza Ahmeti i drejtohet të atit me një mesazh emocional, duke kujtuar edhe nënën e saj, e cila nuk jeton më.
“Dhe tani që po shkon drejt asaj bote ku është edhe nëna ime, kam vetëm një lutje për ty: Kur ta takosh nënën, përqafoje fort për mua.
Thuaji se më ka munguar çdo ditë dhe se dashurinë për ju të dy e kam mbajtur gjithmonë të gjallë në zemrën time”, shkruan shkrimtarja.
Postimi i plotë:
Sot u shua një pjesë e zemrës sime…
Sot humba babanë tim të shtrenjtë.
Ka dhimbje që nuk mund t’i mbajë asnjë fjalë. Sot, përballë ikjes tënde, babi, edhe fjalët e mia heshtin.
Ti ishe një nga shtyllat më të forta të jetës sime, një pjesë e pandarë e asaj që jam. Në çdo hap që kam hedhur, në çdo arritje dhe në çdo gjë të mirë që kam ndërtuar, ka diçka nga ti, nga mësimet e tua, nga dashuria, mundi dhe sakrificat e tua.
Shpresoj që çdo gjë që kam arritur në jetë të të ketë bërë krenar. Shpresoj që, edhe atje ku s’mund të të shoh më, të jesh duke më parë dhe të ndiesh se gjithçka që ke bërë për mua nuk ka qenë kurrë e kotë.
Dhe tani që po shkon drejt asaj bote ku është edhe nëna ime, kam vetëm një lutje për ty:
Kur ta takosh nënën, përqafoje fort për mua. ❤️
Thuaji se më ka munguar çdo ditë dhe se dashurinë për ju të dy e kam mbajtur gjithmonë të gjallë në zemrën time.
Tani jeni përsëri bashkë…
Dhe unë mbetem këtu, me kujtimet tuaja, me mallin dhe me një dashuri që nuk do të shuhet kurrë.
Ndoshta nuk mund t’ju kem më pranë, por do t’ju mbaj gjithmonë me vete — në zemrën time, në shpirtin tim, në çdo fjalë të mirë që do të them dhe në çdo hap që do të hedh.
U prehsh në paqe, babi im.
Përqafoje nënën fort për mua…
Dhe, nëse mundeni, më ruani të dy nga lart.
Ju dua sot, nesër dhe përtej çdo kohe.
Përjetë vajza juaj.
